Oje´eva
Oje´e ningo epyruro mbarakaja ruguaire nderemendamoái reñatendeva´era...
Buena Suerte pe guará
Ejahu va´era Ruda roguepe ndembosuertevehagua
Avei oje´e ouró petei ava nande raihuiva,,oipotava mba´e vai ndeve guará, katuete ipirupata ndehegui nde ka´avo ruda
Peteí jeype oñembe´u kuña orekovapokoi memby kuimba´e katuete pe pahague osetá Luisó ha Kuñaramo osetá Bruja
Luisõ peteĩ mymba jaguápe ojoguava, ivai, hesa vera ha iñakã guasu. Pyhare pytévove oho ojapajeréi te'ongue ári, upévara hesa'yju ha ine.
Ho´u teongue oiva cementeriope oiko,,oiko... peipi ..
oje´e ñandeko ejukaseró Luisope, ejagarra va´era peteí kyse herava.. ¨Kyse Kurusu¨ peicha katuete omano ambue kyse eipuru ndomanói
Kuña oguerekova pokoí memby kuimba´e katuete pe ipahagueva osetá Luisó.

Jerovia
Ejukaró jagua ,erekota, pa ary mba´e vaigui (mala suerte)

Nderreipuruiva´erá kuairú emendahagua nderemeiro nde menandive

Oje´e avei oturuñe´eró ndeve pitogue he´ise nde ryeguasuha ambue oñeme´eta ndeve peteí noticia terá iporá o ivaiva ereará pitoguepe ´´ Eme´e kena cheve buena noticia ´´

Ouró pombero oturuñe´é ereva ´éra chupe (ehasa ruda kuapui terá eñangareko kena cherehe)

Tupãsy Ka’akupe Mombe’upy

Tava Tovatime oiko’akue petei ñande ypykuéra hérava Hose ava guaraní
oñemongaraiva’ekue. Ha’e ojapo ta’anga tupãope guarã. Petei jey oho yvyra
rekávo ka’aguýpe. Upépe osê chupe guaikurukuéra, kyhyjepópe oñani pe
ka’aguy mbytére oikuaágui ko’ava ndohayhuiha chupe. Guaikurukuéra
ohupytypotoaite jave ojuka haguã Hosépe, kova oñemoi petei yvyra poguasu kupépe,
oñesu ha oñembo’e tupasýme:
-Chemokañymína ko’a guaikuru resa renondégui, aníkena ehejatei che recha hikuái
Tupãsymi
-Ase ramo ko’agui tekovére, ajapóta ndéve nera’anga yvyrágui, nemomora haguã opavave
oikóva guive ko yvy ape ári.
Tupasý ohendu iñe’ê ha umi guaikuru oguahêvo ijypýpe, iñipytûmba ijerére
ha ndohechai hikuái moôpa okañy Hose.
Ou jevývo Tovatî me, Hose vy’ape omombe’u Pa’ikuerape ojehu’akue chupe ka’aguypýpe,
ha mba’épa ojapose oipopepývo Tupãsyme.
Pa’ikuera oguerohoryeterei pe ojaposeva ha he’i chupe:
-Ejapona mokoi Tupãý ra’anga, patêi tuicháva, tupaópe guãra ha
ambue michîvéva, nde rógape guarã.

Heta ara ohasa rire pe Tupãsy ra’anga michivéva oguereko’ákue hógape Hose,
ojereraha Tupão Ka’akupépe. Ko’ága peve pe ta’anga oime Tupão Ka’akupépe ha upepeve
ojeho opa tendágui poapy jasypokõipe, ojechauka hagua jerovia ha mborayhu Tupãsyme.

Ao Ao
Ao Ao ha´e avei Tau ha Kerana memby. Ha´e oñangareko heñói porá haguá opa  mba´e oíva ko yvy ári. Oguereko avei ipoguýpe yvytykuéra opaichagua.
Ko mymba vai oñemoña hetaiterei, ha upéicha hetakuéra oiko kure ka´aguýicha ojoapykuéri, oikundaha umi ñu ha ka´aguy rehe.
Umi yvypóra nahendái mamove chuguikuéra ha ndaikatúi oikove py´aguapýpe. Reínte yvyra rakáre ojejupi, oñekañységui chuguikuera, Ao Ao oitýne katuete upe yvyra. Oje´éva niko pindo rehe rejupíro añoite ndojapói nderehe mba´eve.